ओलीको स्वागतमा नआएपछि मुख्यमन्त्रीमाथी वनमन्त्री आलेको आक्रोश

वन तथा वातावरण मन्त्री एवं नेकपा केन्द्रीय सदस्य प्रेम आलेले प्रधानमन्त्री केपी शर्मा ओली धनगढी आउँदा स्वागत गर्न नआएको भन्दै सुदूरपश्चिम सरकारका मुख्यमन्त्री त्रिलोचन भट्टप्रति आक्रोश पोखेका छन् ।

उनले भट्ट मुख्यमन्त्री रहने दिन अब धेरै नरहेको जिकिर समेत गरे । ‘राजनेता आउँदा शिष्टता पनि नभएको तपाईं कस्तो मुख्यमन्त्री हो ? अब तपाईंका दिन धेरै छैनन्,’ मन्त्री आलेले भने, ‘हिजोका दिनमा भारतमा लामो समय बिताउनु भयो । मुख्यमन्त्री पद गइसकेपछि अब तपाईं भारत जान पर्दैन, जडिबुटी खेती गरेर यहीँ रोजगारी सिर्जना गरिन्छ ।

मन्त्री आलेले ओलीलाई ‘राजनेता’को उपमा दिँदै प्रचण्ड–नेपाल पक्षले सरकारको गियर रोक्ने काम गरेको आरोप समेत लगाए ।