अहिलेको संकटको एउटै उपचार कार्यकारी राष्ट्रपति : बाबुराम भट्टराई

जनता समाजवादी पार्टीका संघीय परिषद् अध्यक्ष डा. बाबुराम भट्टराईले देशको संकट समाधानका लागि एउटै दिगो उपचार प्रत्यक्ष निर्वाचित कार्यकारी राष्ट्रपति प्रणाली भएको दाबी गरेका छन्।

त्यस्तो राष्ट्रपतिले सक्षम/स्थिर नेतृत्व दिने उल्लेख गर्दै डा.भट्टराईले साथमा पूर्ण समानुपातिक संसदीय व्यवस्था अपनाउन सबैसँग आग्रहसमेत गरेका छन्।

‘अहिले २/३ (दुईतिहाइ) सरकारको संकट, भ्रष्टाचारको नयाँ रेकर्ड, जनताको असन्तुष्टि, प्रतिगामीको ताउरमाउरको एउटै दिगो इलाज हो– प्रत्यक्ष निर्वाचित कार्यकारी राष्ट्रपति प्रणाली (जसले सक्षम/स्थिर नेतृत्व दिनेछ),’ आइतबार ट्विटरमा डा भट्टराईले लेखेका छन्, ‘+पूर्ण समानुपातिक संसद (जसले सबै समुदायको प्रतिनिधित्व, चुनावी खर्च कटौती गर्नेछ), सबैले आँट गरौं।’